يوميات ذبابة

شحال من واحد فينا كتفقصو ذبانة وبشكل يومي؟ ، ع الغدا ع العشا وأنت ناعس وأنت فايق ، حتى حيث كتكون كتحك أسنانك ، وبزاف ديال الناس باغيين يعرفو منين هاذ الذبانة كتجيب الوقت باش تقرص فيك ، ومن هذا المنطلق غنشرح ليكم
يوميات الذبانة باش تعرفو فوقاش عندها وقت الراحة وباش اتحاول تعود نفسك على مواعيدها و أنا غنعاود ليكم على وحدة منهم كيف كتدوز نهارها فالصيف.


الفجر :
أول ما يأذن الفجر تطلع الذبانة من دارها وهي كتسبًح وكتدير شوية ديال التمارين ديال الرشاقة ، من بعد كتخطط آش غتدير هاد النهار، وطبعا هاد الشي خاصو يكون باتفاق مع صحاباتها اللي معاها .


كيف يطلع الصباح :
كيوزعو الأدوار وكل وحدة منهم كتشد طريقها . كيفطرو من الماكلة ديال السهرة ديال البارح ويغسلو ايديهم (نقيين زعمة) ، باش تبدى تدير كل وحدة منهم خدمتها .


الضحى :
كيسيفطو أصغر وحدة فيهم للاستطلاع ، تشوووف واش فقتو من النعاس ولا مازال .


مع صلاة الظهر :
كيدخلو
عليك للبيت وكيبقاو يدووورو فوق راسك ( فحال اللي كيطوفو ) باش يعصبوك و تنود تبدى تجري عليهم ، باش يتأكدو أنك فقتي.


فترة الغدا :
وما أدراك ما فترة الغذا
كينوظو يشطحو
على أي هدرة سمعوها، أراك داك الساعة لجري عليا نجري عليك ( كيف الشفار و البوليسي)
........وطاف... باف... (ما كيخليو حد ياكل فخاطغو) . و
تستمر المطاردة بينكما " أنت والذبان" ، من بعد كيتقلق مول الدار وكيشد
الذبانة البرهوشة فيهم حيت هادي أول مرة غتخرج مع صحاباتها و ماعارفاش البرنامج ديالهم، وكيعطيها بالمشحاطة ......طف.....طف....طف...طف..طف. طف. حتى ماتت .

العصر :
فترة ديال العصر كيرجعو أفراد العصابة وكيكتشفووو أن وحدة منهم ناقصة ومها كتبكي : ((يا بنيتي عذبوك اللي ما يخافوش من اللي خالقهم، ما تهنيتيش بشبابك ، ...................... )). المهم ، كيطلعو على شكل مجموعات يقلبو على الذبانة اللي ناقصة .

المغرب :
من بعد ما عثروا على الجثة ديالها تحت الأنقاض وعلامات التعذيب باينة عليها ، كيبداو يحضرو مراسم العزا و الدفينة .

في الليل :
كيكملووو مراسم الدفن و تقبل التعازي لمدة 3 ساعات ، من بعد كتبدى التحقيقات في أسباب الاغتيال وشكون هو الطرف الرئيسي ف هاذ الجريمة البشعة باش غدا ينتقمو
هما ديما كينتقمو
ويستسلموووووووووون للنوم

ويناموووووووووووووووووون .
[b]